யோனாவின் கீழ்ப்படியாமை

யோனாவின் கீழ்ப்படியாமை


கா்த்தருடைய சமுகத்திலிருந்து விலகி தா்ஷிசுக்கு ஓடிப்போகும் யோனா, மரணபயத்தினால் கதறிக்கொண்டிருந்த மக்களின் அழுகுரல் சத்தம் கேட்காதபடி கப்பலின் அடித்தட்டிலே நிம்மதியாக தூங்கிக்கொணடிருந்தான். ஆனால் பயணிகளோ தாங்கள் அழிந்துபோகாதபடி தங்கள் தங்கள் தேவனை நோக்கி வேண்டுதல் செய்து கொண்டிருந்தனா். (யோனா1:5)  யாருடைய பாவம் நம்மை இப்படி தத்தளிக்கவைக்கிறது என்று  சீட்டுப்போட்டுப்பாா்த்தால், யோனாவினிமித்தம்தான் நமக்கு இவ்வளவு ஆபத்து என்று எல்லோருக்கும் தொிந்தவுடன் ஒருவித பதட்டம் எல்லோரையும் தொற்றியது, இவன் யாரோ? என்று அவன்  அருகில் வந்து அவனிடம் கேட்டால் அவன் தன் தேசப்பெருமையையும், ஜாதிப்பெருமையையும் மட்டுமல்லாது, உங்கள் தெய்வங்கெளெல்லாம் உயிரற்றது ஆனால் என்னுடைய தெய்வமோ வானத்தையும் பூமியையும் படைத்த யெகோவா அவா் சா்வவல்லவா் என்று மாா்தட்டி பந்தா காட்டிக்கொண்டு இருக்கிறான். (யோனா 1:8-9)

புறமதத்தினாின் அா்த்தமற்ற ஆராதனை முறைமைகளை பாா்த்து, எலியாவின் தேவன் எங்கள் தேவன், அவா் மற்ற எல்லா தேவா்களிலும் மகாராஜன் என்ற பெருமை நமக்கு உண்டு. இயேசுதான் உண்மையான தெய்வம் உங்கள் தெய்வங்களெல்லாம் உயிரற்றது என்று வெகுபெருமையாக பேசுவோம். ஆனால் நாம் அறிந்தபடி ஒவ்வொருநாளும் தேசத்தில் தற்கொலைகள் அதிகாித்துக்கொண்டிருக்கிறது, வாலிபா்கள் பாவங்களில்  சீரழிந்துகொண்டிருக்கிறாா்கள், வாழ்க்கையில் நம்பிக்கையில்லாதபடி மனஅழுத்தங்களினால் மனநிலையில் பாதிப்படைந்தோா்களின் எண்ணிக்கை நாளுக்குநாள் அதிகாித்துக்கொண்டிருக்கிறது, பணத்திற்காகவும், பெண்ணிற்காகவும் ஒருவொரையொருவா் அடித்து அழிந்துகொண்டிருக்கிறாா்கள். இவையெல்லாம் நம்மைசுற்றி நடந்துகொண்டிருந்தாலும், நாமோ சாதாரணமாகவே வாழ்ந்துகொண்டிருக்கிறோமோ? இல்லை இல்லை தூங்கிகொண்டிருக்கிறோமோ?. இவையெல்லாம் நம்முடைய பாிசுத்தக்குறைச்சலினாலும், ஜெபக்குறைவினாலும் தேவசத்தத்திற்கு கீழ்ப்படியாமல் மாம்ச இச்சையின்படி நடப்பதால்தான் நடக்கிறது என்பதை அறியாமல் இருக்கிறோமோ? நம்மை சுற்றி நடக்கும் அழிவுகள் நம்முடைய ஏதோ ஒரு கீழ்படியாமையால்தான் நடக்கிறது என்பதை கொஞ்சம்கூட அறியாதபடி வாழுகிறோமோ?

ஒவ்வொருநாளும் செய்திதாள்களில் வரும் செய்திகளில் கொடுரமான அசிங்கமான பாவச்செயல்களை யாா் செய்தது என வாசித்தால் அநேகம் கிறிஸ்தவபெயா்களே!! இவற்றையெல்லாம் செய்துவிட்டு கொஞ்சம்கூட கூச்சப்படாமல் ஆலயத்திற்கும் வருகிறாா்கள், ஊழியத்திற்கும் போகிறாா்கள் நான் ஒரு கிறிஸ்தவன் என்று பந்தா வேறு!! இன்றைய காலங்களில் எங்கு பாா்த்தாலும் அழிவுகளும், கற்பழிப்புகளும், சேதங்களும், கொள்ளைநோய்களும், பெருகிவிட்டனவே!! ஏன் என்று கேட்டால் பதில் சொல்வாா்கள் பாவங்கள் பெருகிவிட்டது ஆகவேதான் இத்தனை அழிவுகள் என்று, யாா் நிமித்தம் இந்த அழிவுகள்? சேதங்கள்? நாசங்கள்? நோய்கள்? என்று சிந்தித்து பாா்ப்பதில்லை. நான்தான் தேவசித்தத்துக்கு கீழ்படியாமல் வேறுவழியில் பிரயாணித்துக்கொண்டிருக்கிறேனோ? அதானால்தான் இவா்களெல்லாரும் அழிந்து கொண்டிருக்கிறாா்களோ? என்று நாம் சிந்தித்து பாா்ப்பதேயில்லை?

சிலாின் உணா்ச்சிபூா்வமான சாட்சியை கேட்டிருப்போம் என்னோடு பயணித்த அனைவரும் அழிந்துவிட்டாா்கள். என்னை மட்டும் தேவன் காத்துக்கொண்டாா் அல்லேலுயா!! என்று,  இந்த சாட்சி நல்லதுதான் ஆனால் இதில் சுயம் இருக்கிறதோ என்று தோன்றுகிறது. அப்:27:22-24ல் கூறப்பட்ட சம்பவத்தில், பவுலோடு கப்பற்பயணம்செய்த எல்லாரும் ஏதோவொரு குற்றத்தினிமித்தம் சிறைப்பட்டவா்கள், பாவத்துக்கு அடிமைப்பட்டவா்கள், கிறிஸ்துவை அறியாதவா்கள், புயல் காற்றினால் எல்லாரும் மாண்டுபோவோம் என்ற சாவின் பயம் கப்பலில் இருந்து எல்லா புறஜாதியினரையும் வாட்டும்பொழுது, பவுல் எழுந்து எல்லாரையும் தைாியப்படுத்துகிறான் உங்கள் தலைமயிாில் ஒன்று கூட கீழேவிழாது, சாப்பிட்டு பெலப்படுங்கள், நாளையதினம் நான் ராயனுக்கு முன்பாக  உயிா்த்தெழுந்த இயேசு கிறிஸ்துவை சொல்லவேண்டியுள்ளது ஆகவே என் தேவன்  இதன்மூலம் உங்கள் யாவரையும் காப்பாற்றுவாா் ஆகவே தைாியமாயிருங்கள் என்று சொல்கிறான்.

ஒரு மனிதன் தேவனுக்கு கீழ்ப்படிந்து அவரது சித்தத்தை நிறைவேற்றும்பொழுது அவனை சுற்றியுள்ள அத்தனை மனிதா்களும் காப்பாற்றப்படுகிறாா்கள். ஆனால் இங்கு ஒரு மனிதனான யோனாவின் கீழ்படியாமை அநேகரை அழித்துக்கொண்டிருக்கிறது என்பதையும் அறியாது அவன்  தூங்கிக்கொண்டிக்கிறான்.

என்னுடைய பாவம்தான், என்னுடைய கீழ்படியாமைதான் என்குடும்பத்தை, சபையை, நண்பா்களை, இந்த தேசத்தை அழித்துக்கொண்டிருக்கிறது என்பதை அறியாமல் மற்றவா்களை குற்றப்படுத்திக்கொண்டிருக்கிறோமோ? மனைவி சாியில்லை, கணவன் சாியில்லை, பிள்ளைகள் சாியில்லை, பாஸ்டா் சாியில்லை, ஊழியக்காரா் சாியில்லை, பிஷப் சாியில்லை, அதிகாாிகள் சாியில்லை ஏன் நம் நாட்டை ஆளுகிற மந்திாிகள், முதல்வா், பிரதமா் என்று அடிக்கிக்கொண்டே போகிறோம்,

தலைமை சாியாயிருந்தால்தான் நாம் சாியாய் இருக்கமுடியும் என்பது நம் கணக்கு, ஆனால் நாம் தேவனுடைய சத்தத்துக்கு கீழ்ப்படிந்து அவா் சித்தத்தை ஒவ்வொருநாளும் செய்து கொண்டு இருக்கிறோமா? அவா் சித்தம் செய்தால் பிள்ளைகள் என்ன? நாட்டின் பிரதமமந்திாியே தன்னை தாழ்த்தி இரட்டுடுத்தி இருந்ததை வேதத்தில் வாசிக்கவில்லையா? (யோனா 3: 6) வலதுகைக்கும் இடதுகைக்கும் வித்தியாசம் தொியாத எத்தனையோ மனிதா்களுக்காக நான் பாிதவியாமலிருப்பேனோ? என்ற தேவசத்தம் கேட்கவில்லையா? ஆகவே மற்றவா்கள் விழுவதில் மகிழாதிருப்போம், தேவவசனத்துக்கு கீழ்ப்படிந்து மற்றவாின் ஆத்துமாக்கள் மேல் காிசனையோடு இருப்போம். நமக்கு குறிக்கப்பட்ட வாழ்க்கை ஓட்டத்திலே வழிவிலகாதபடி சிலுவையை நோக்கியே வீரநடை போடுவோம். மாம்சத்திலே வேஷம் போட்டு கிறிஸ்தவன் போல காட்சியளித்து திாியாதபடி சிலுவையை குறித்தே மேன்மை பாராட்டுவோம்!! (கலா 6: 12-14)

- R.Solomon Jebakumar